Monday, 2 December 2019

#రాయలసీమ..
#నిత్యాన్నధాన నిలయం కాశిరెడ్డి నాయన '#ఓంకారం'

కర్నూలుజిల్లాలో ఎన్నో చూడదగ్గ ప్రదేశాలు ఉన్నాయి. కానీ వాటిలో ఎక్కడాలేని ప్రత్యేకత ఒకచోట ఉంది. అదే కాశిరెడ్డి నాయన నిత్యాన్నధాన నిలయం 'ఓంకారం'. కర్నూలుజిల్లా నంద్యాలకు సమీపంలోని ఆత్మకూరు మండలం ఈర్నపాడు నుంచి 8కిలోమీటర్ల దూరంలోని అడవీప్రాంతంలో ఈ ఓంకారేశ్వరస్వామి కోలువై ఉన్నాడు. ఇది కేవలం దైవం కోసం వెలసినది మాత్రమే కాదు. కొన్నివేల మందికి అనునిత్యం మూడుపూటలా భోజనం పెడుతున్న నిలయం. దేవుడు కొలువై ఉన్న చాలాచోట్ల అన్నధానాలు నిర్వహించడం చూస్తుంటాం... వాటన్నింటికి భిన్నమైన భోజనం ఇక్కడ పెడతారు. ప్రతిరోజు ఒక్కో రకమైన వంటకాలతో నిత్యం వేలమందికి ఇక్కడ భోజనం పెడతారు.

ఉదయం రకరకాల టిఫిన్‌ కూడా పెడతారు. వాటిలో దోశే, ఇడ్లీ, పొంగళి, సాంబారు అన్నం, పులిహోర, పులగం, చట్నీ, ఉగ్గాని(బోరుగులు లేదా మర్మరాలు), బజ్జీలు, ఉప్మా పెడతారు. మద్యాహ్నం రోజుకోక రకం ప్రసాదాలు, తీపి పదార్థాలు(స్వీట్‌)లు పెడతారు. వాటిలో ప్రధానమైనవి సేమీయా, సెనిగబేడలు కలిపి చేసే పరమాన్నం(పాయస్యం), మన ఇంట్లో కూడా కేవలం పండగ పబ్బాలకు కూడా అంతబాగా చేయలేరు. కానీ అక్కడ చేసే పాయస్యంలో బాదం, గోడంబీ, ఎండు ద్రాక్ష, కర్బూజ విత్తనాలు, యేలకలు, నెయ్యి దట్టంగా వేస్తారు. అంతేనా ప్రతి ఒక్కరికి నెయ్యిని విడిగా వడ్డిస్తారు. వీటికోసం అక్కడ దాదాపు 400 వందల ఆవులు మేపుతున్నారు. అవన్నీ కూడా భక్తులు,దాతలు  సమర్పించినవే. బచ్చాలు(బొబ్బట్లు), పూర్ణం కర్జికాయలు, బియ్యంపాయస్యం(అన్నంలోకి బెల్లం వేసి చేసేది), చెక్కర పొంగళి, వీటన్నికి తోడుగా మరోక స్వీట్‌ లడ్డూ, జిలేబి, కొవా కర్జికాయ, బాదుసా, పాలకోవ, కేసరి లాంటి ఏదో ఒకదానిని విదిగా పెడతారు.

ఇక అన్నం విషయానికి వస్తే పులిహోర, లేదా చిత్రాన్నం, అన్నం, పప్పూ, రసం, సాంబారు లేదా పచ్చి పులుసు, చట్నీ, ఊరగాయ, పెరుగన్నం, అప్పడం లేదా బొంగులు(గొట్టాలు), ఎంతకావాలంటే అంత పెడతారు. కొన్ని వందల ప్లేట్లు భక్లులు సమర్పించినవి అక్కడ ఒక పెద్ద డబ్బాలో పెట్టి ఉంటారు. ఎవరికి కావలసిన వారు వెళ్లి వాటిని తీసుకుని కడుపునిండా భోజనం చేయవచ్చు. ఎప్పుడు వినడమే కానీ పోయి చూసింది లేదు.ఓ వివాహానికి ఈర్నపాడుకు వెళ్లినప్పుడు పక్కనే ఉంది వెలదామని బలవంతపెడితే వెళ్లాను. అక్కడికి వెళ్లిన తరువాత ఈ కలికాలంలో ఇంత బాగా కాశిరెడ్డి నాయన అశ్రమాన్ని నిర్వహిస్తున్న వారు ఉన్నారా..? అనిపించింది.

నిజానికి చాలా ట్రస్టులు, దేవాలయాల దగ్గర ఇలా నిత్యాన్నధానాలు నిర్వహిస్తున్నారు కానీ ఈ తరహా చేస్తున్న వారిని నాకు తెలిసి ఇక్కడ మాత్రమే చూశాను. అలాగే అక్కడే కొండ పైకి 4 కిలోమీటర్లు కాలినడకన వెళితే కాలజ్ఞాని శ్రీ పోతులూరు వీరబ్రహ్మేంద్ర స్వామి స్వయంగా నిర్మించిన కొలను, కొలను భారతీ అమ్మవారితో పాటు ఒకే శిలపై ఇటు వెంకటేశ్వర స్వామి, వెనుక పద్మావతి అమ్మవారు కొలువై ఉన్నారు. వీటిని చూడటానికి కొండపైకి రాళ్ల బాటలో నడిచి వెళ్లాలి. అక్కడ కూడా నిత్యాన్నధానం  భోజనం పెడుతున్నారు. పైన కూడా ప్రసాదంగా పులిహోర, అవు పెరుగుతో చేసిన కమ్మని పెరుగన్నం, లడ్డూ పెడతారు. అవి ఎంత కమ్మగా ఉన్నాయో చెప్పడానికి లేదు. నేను రెండుసార్లు పెట్టించుకుని తిన్నాను. మాకు ఒకసారి కొండపైకి ఎక్కడానికే కష్టం అనిపించింది.. కానీ వారు కింది నుంచి అన్నిటిని మోసుకుని వెళ్లి పెడతారు. అంతేకాదు ప్రతిరోజు ఉదయం, సాయంత్రం కాఫీ కూడా పోస్తారు. అక్కడ సాధువులు, పిల్లలు వదిలించుకున్న, వాళ్ల మీద విరక్తి చెంది వచ్చిన తల్లిదండ్రులు, అనాధలు ఎంతోమంది ఉన్నారు.

అక్కడ జరుగుతున్న కార్యక్రమాలలో వారు కూడా చేదోడువాదోడుగా ఉంటూ శక్తి ఉన్నంతమేరకు సహాయ సహాకారాలు అందిస్తూ శేషజీవితాన్ని గడిపేస్తున్నారు. అక్కడ ఉన్న ఒక వృద్ధ దంపతులను పలకరించగా కన్నపిల్లల చేత ఈసడించుకోవడం కంటే ఇదే ఉత్తమం కదా నాయనా... దైవ సన్నిధిలో ఎందరికో భోజనం వడ్డిస్తూ... వారి ఆశీర్వచనాలతో పోవడం కంటే స్వర్గప్రాప్తి ఉంటుందా అన్నారు. ఒక్కసారిగా నా కళ్లలో నీళ్లు తిరిగాయి. ఇలా అక్కడ ఉన్న చాలామంది వృద్ధులకు ఒక్కోక్కరికి ఒక్కో ధీనగాధ ఉంది. మరి ఇంతమందికి ఇంత రుచికరమైన భోజనం ప్రతిరోజు ఎలా పెడుతున్నారని ఆరాతీయగా చుట్టూపక్కల వందల గ్రామాల ప్రజలు తమకు పండిన వరి పంటలో 1నుంచి 2శాతం కాశిరెడ్డి నాయన ఆశ్రమానికి తెచ్చి ఇస్తారట. అంతేకాకుండా ఎవరికి తోచిన సహాయ సహకారాలు అందిస్తారట. దేశ విదేశాల్లో ఉన్న భక్తులు, దయాగుణం కలిగిన దాతలు సహాయం చేస్తారట. కాశిరెడ్డి నాయన జీవించి ఉన్నప్పుడే  ఇక్కడే కాకుండా మరో 18చోట్ల ఇలానే నిత్యాన్నధానాన్ని నిర్వహిస్తున్నారని అక్కడి పూజారి చెప్పుకొచ్చారు. నిజంగా వారికి చేతులేత్తి నమష్కరిస్తున్నాను వేలమంది ఆకలి తీర్చుతున్నందుకు...!

Wednesday, 17 April 2019

శ్రీయంత్రం మిస్టరీ!!

శ్రీయంత్రం మిస్టరీ!!
~ USA లోని Oregon ప్రాంతం లో ఎండిపోయిన ఒక చెరువు ఉండే ప్రాంతం లో కనుగొన బడిన శ్రీయంత్రం ఇది.
~ సుమారు 13 మైళ్ళ పొడవు,వెడల్పు ఉన్న శ్రీ యంత్రాన్ని August 10, 1990 న గుర్తించారు.
~ దీనిని భూమికి 9000 అడుగుల ఎత్తు నుంచి ఫోటో తీసారు. ఒక్కో గీత 10 అంగుళాలు వెడల్పు, మూడు అంగుళాలు లోతు ఉంది.
~ ఒక శ్రీ యంత్రాన్ని కాగితం పై గీయాలంటేనే ఎన్నో పరికరాలు అవసరం. చాలా సమయం తో కూడుకున్న పని. అటువంటిది 13
మైళ్ళ పొడవున్న శ్రీ యంత్రం మట్టిలో చక్కగా చిన్న తప్పు కూడా లేకుండా గీయడం మానవ మాత్రులకు అసాధ్యం అని తేల్చి
చెప్పేశారు.~ మరి దీన్ని ఎవరు గీసి ఉంటారు?క్రీస్తు  అంతకు పూర్వమే హిందూమతం అమెరికాలో పుట్టింది అనడానికి నిదర్సనం


Tuesday, 12 March 2019

కాసిరెడ్డి నాయన..రాయలసీమ

కాసిరెడ్డి నాయన..రాయలసీమ..

రాయలసీమ లో నిస్యబ్ధ విప్లవంలా సాగే నిత్యన్నదానం గురించి తెలుసుకోండి..
సరిగ్గా నాలుగేళ్ల క్రితం.. మహాశివరాత్రి నాటి ఓ నదీయాత్రను గుర్తు చేసుకుంటున్నాను.
ఓంకారం..
ఓంకారం ఒక నాదం, ఒక స్వరం, ఒక నమ్మకం, ఒక భక్తి సంకేతం అని మాత్రమే అప్పటివరకూ తెలుసు. ఓంకారం పేరుతో ఒక ఊరు వుందని, అక్కడో శివాలయం వుందని అప్పుడే తెలుసుకున్నా. నంద్యాలకు సమీపంలో వుంటుంది. ఓంకారం ఆలయాన్ని దర్శించడం, శివలింగాన్ని నుదుటితో ముద్దాడడం అనిర్వచనీయ ఆనందాన్ని ఇచ్చింది. అక్కడినుంచి ఎగువకు.. ఆ చీకట్లో అటవీమార్గంలో.. కొండ శిఖరంలోని శ్రీకూర్మపీఠం చేరడం.. అక్కడినుంచి మరో కొండపైకి చేరి వేంకటేశ్వరస్వామి, దుర్గమ్మలను దర్శించడం మర్చిపోలేని అనుభవం. మా ఇంట్లో కుక్కపిల్ల వచ్చి నిద్రలేపినట్టుగా.. శ్రీకూర్మపీఠంలో ఎలుగుబంటి వచ్చి నిద్రలేపి అన్నం పెట్టమని అడగడం... నిజంగా ఆశ్చర్యం కలిగించింది.
అదే ఊపులో కైలాస కోన, , జ్యోతి, సర్వ నరసింహ స్వామి, సత్యవోలు, సింగరకొండ, భైరవకోన,ఘటిక సిద్దేశ్వరం, ముడుమాల, బ్రహ్మంగారి మఠం, అహోబిలం, మహానంది.. ఇలా సుడిగాలి పర్యటన చేశాం.
1994-96 మధ్యకాలంలో కాశినాయన అనే అవధూతను కలుసుకోవాల్సిన సందర్భం వచ్చింది.. కానీ మిస్సయ్యాను ఆ మీటింగ్. నాలుగేళ్ల క్రితం మహాశివరాత్రినాడు ఆ అవధూతను పరోక్షంగా కలుసుకున్నా. నిజం చెప్పాలంటే ప్రత్యక్షంగా చూసినట్టు అనిపించింది.
ఓంకారంలో ఆ అవధూత కాశినాయనను మొదటిసారి చూశా.. అన్నం రూపంలో. కర్నూలు, కడప, ప్రకాశం, నెల్లూరు జిల్లాల్లో... ఎక్కడికి వెళ్లినా అక్కడ అన్నం రూపంలో ప్రత్యక్షం అయ్యాడు కాశినాయన.
మీరు మాయాబజార్ సినిమా చూసే వుంటారు. వివాహ భోజనంబు పాటను అనేకసార్లు వినే వుంటారు. అది సినిమా. డైరెక్టర్ ఏమైనా సృష్టించగలడు. అది సినిమా.. పైగా ఘటోత్కచుడి ప్రియశిష్యులు తమ మాయాజాలంతో ఏ వంటకాన్నయినా సృష్టించగల సమర్ధులు. అలాంటి మాయా సన్నివేశంలోని వంటకాలను దిగదుడుపు చేస్తూ.. వాస్తవ ప్రపంచంలో వండి వడ్డించే వంటకాలను.. ఒక్క కాశినాయన ఆశ్రమంలోనే చూడగలం.. రుచి చూడగలం. అది మాయాబజార్ కాదు. వాస్తవ ప్రపంచం. మనముందు వున్న వాస్తవ ప్రపంచం.
ఓంకారం వెళ్లినప్పుడు.. అక్కడ అన్నం వండేందుకు పేర్చిన డేగిశాలు చూసి మూర్ఛపోయినంత పనయింది. నిత్య అన్నదానం ఒక క్రతువు అక్కడ. పర్వదిన సందర్భంగా అన్నం, పప్పు, పాయసం, రోటి పచ్చడి, రసం, సాంబారు, వడియాలు, పెరుగు, నాలుగు రకాల మైసూర్ పాక్ లు, ఐదు రకాల కజ్జికాయలు, రొట్టెలు.. చెప్పుకుంటూ పోతే చాంతాండంత లిస్టు. ఒక్క ఓంకారంలోనే కాదు... ఇంకా అనేక చోట్ల ఇదే సీను. కాశినాయన సజీవ సమాధి అయిన జ్యోతిలో... ఒక దృశ్యం.. అచ్చెరువు గొలుపుతుంది. పాల క్యాన్ లు కాదు... ఏకంగా పాల వ్యాన్ వచ్చి వున్నదక్కడ. సిద్ధేశ్వరంలో.. ఘటిక సిద్ధేశ్వరంలో.. వేలాది మందికి అడిగినది లేదనకుండా వడ్డనలు. అడిగినవారికి అడిగినంత గడ్డపెరుగు.. మీగడ పెరుగు వడ్డనలు. అదే సిద్ధేశ్వరంలో ఉదయాన్న... ఇడ్లీలు, వడలు, పునుగులు, ఉప్మాలు, పకోడీలు, బజ్జీలు, పూరీలు, వెజ్ ఫ్రైడ్ రైస్ లు, పెరుగన్నాలు... లిస్టు చాలానే వుంది. ఎవరికి కావాల్సింది వారు తినేయవచ్చు.
దేవస్థానాల దగ్గర ఉచిత అన్నదాన శిబిరాలను చాలా చూశాను. కొన్ని చోట్ల తిన్నాను కూడా. కానీ ఎక్కడా ఇలా వుండదు. సాంబారు అన్నం మొహానకొట్టి... ఇదే మహాప్రసాదం అని భక్తులను చీదరించుకుంటూ వడ్డించే మహాన్నదానాలను కూడా చూసి వున్నాను. కానీ ఎక్కడా ఇలా.. ఇంత ప్రేమగా. ఇన్ని ఐటమ్స్ తో కొసరికొసరి వడ్డించే అన్నదానాన్ని నేనింతవరకూ చూడలేదు.
ఇంతటి మహాక్రతువు అవిచ్ఛిన్నంగా, అవిఘ్నంగా ఎలా జరిగిపోతున్నదో నాకైతే ఏమీ పాలుపోలేదు. దీనికి బాధ్యుడిగా వున్న వాడిని అడిగితే... వేలెత్తి పైకి చూపిస్తాడు.
నిజమే... మనిషి తలుచుకుంటే ఏమైనా సాధ్యమే. మనిషి అవధూతగా మారగలడు. అందుకు కాశినాయన నిలువెత్తు సాక్ష్యం.
వారికి సాష్టాంగ ప్రణామములు.
(అన్నట్టు.. కాశినాయన మీద తెలుగులో ఒక సినిమా కూడా వచ్చింది. గుమ్మడి ప్రధాన పాత్రధారి. గుమ్మడి నటించిన చివరి సినిమా కూడా అదే. ఆ సినిమా పెద్దగా ప్రాచుర్యంలోకి రాలేదు. రాయలసీమలోని కొన్ని ప్రాంతాలలో మాత్రమే.. ఆ సినిమా ఆడింది.)






మున్నేల్లి రాజశేఖర్ రెడ్డి 

Tuesday, 5 March 2019

ఓం గోవింద


ఓం


టీటీడీ సంచలన నిర్ణయం,   సాక్షాత్తు ఆ విష్ణుమూర్తి కొలువైన వైకుంఠం తిరుపతి తిరుమల . శ్రీ వెంకటేశ్వర స్వామి  ఆలయ మరియు స్థలం యొక్క పవిత్రతను  కాపాడటానికి  తీసుకున్నా నిర్ణయం తిరుపతి పట్టణంలోమాంసాహారం మద్యపానం  నిషేధం.   అంచేలు అంచేలు గా ఈ కార్యక్రమాన్ని అమలు చేస్తారు మొదటి విడత గోవింద రాజా స్వామి టెంపుల్ నుండి ఒక కిలొమీటర్ పరిధి వరకు  మాంసము మరియు మద్యం అమ్మ కూడదు ఆ తరువాత 6 విడతలుగా 25 కిలొ మీటర్ ల పరిధి వరకు మద్యం మాంసము అమ్మకూడదు ఏ రాజకీయ అడ్డంకులు రాకుండా అమలు జరగాలని ఆశిద్దామూ హిందువుగా పుట్టినా ఎవరైనా కరెక్ట్ అంటారు  అందరం పాటిధామూ    తెలియని వారికీ షేర్ చేయండి మీ అభిప్రాయాలను కూడా కామెంట్ రూపంలో తెలియచేయండి  గోవిందా..గోవిందా   ఓం నమో వేంకటేశాయా . ఓం నమో నారాయణా నాయ నమో వేంకటేశాయా.

 టీటీడీ తీసుకున్న  నిర్ణయాన్ని what's up, facebook,  లలో అందరు  10 కోట్లా మందీ తెలుగు వారిలో ఒక కోటి మందీ కలిసి అన్నిటికి షేర్ చేసి టీటీడీ అధికారులకు మనం చేయూతనిద్దమూ  వారి నిర్ణయాన్ని ఆభినందిస్తే వారు ఇంకా ఎన్నో మంచి పనులు  మంచినిర్ణయాలు  చేస్తారు

https://youtu.be/rSMHBFp4Qew

Wednesday, 12 December 2018

శ్రీ శ్రీ శ్రీ అవదూత కాశినాయన ఫౌండేషన్

శ్రీ శ్రీ శ్రీ అవదూత కాశినాయన ఫౌండేషన్ 

శ్రీ శ్రీ శ్రీ అవదూత కాశినాయన ఫౌండేషన్ తరుపున్ననెల్లూరులో ఉన్నటువంటి మానసిక వికలాగులకు  అన్నదాన కార్యాక్రమము నిర్వహించాము 

ధ్వజస్థంభం పుట్టుక

ధ్వజస్థంభం పుట్టుక

మనం ఏదేవాలయానికి వెళ్ళినా ముందుగా ధ్వజస్థంభానికి మొక్కి, ప్రదక్షిణచేసి ఆతర్వాతే లోపలికి వెళతాం. అసలీ 'ధ్వజస్థంభం' కధాకమామీషూ ఏంటో ఓసారి చూద్దాం. ఈ ధ్వజస్థంభం ఏర్పడటానికి ఓకధ ఉంది.

భారత యుద్ధానంతరం పాండవులలో జ్యేష్టుడైన ధర్మరాజు సింహాసనాన్ని అధిష్టిస్తాడు. ధర్మబధ్ధంగా రాజ్య పాలన చేస్తుంటాడు. ధర్మమూర్తిగా, గొప్పదాతగా పేరు పొందాలనే కోరికతో విరివిగా దానధర్మాలు చేయడం మొదలు పెడ్తాడు. ఇదంతా చూస్తున్న శ్రీకృష్ణుడు అతనికి తగినరీతిగా గుణపాఠం చెప్పాలనుకుంటాడు. ధర్మరాజుకి అశ్వమేధయాగం చేసి, శత్రురాజులను జయించి, దేవతలనూ బ్రాహ్మణులను సంతుష్టి పరచి, రాజ్యాన్ని సుస్థిరం, సుభిక్షం చేయమనీ చెప్తాడు. ధర్మరాజు శ్రీకృష్ణుని మాట శిరసా వహించి అశ్వమేధానికి సన్నాహాలు చేయించి, యాగాశ్వానికి రక్షకులుగా నకుల సహదేవులను సైన్యంతో పంపుతాడు.

ఆ యాగాశ్వం అన్నిరాజ్యాలూ తిరిగి చివరికి మణిపుర రాజ్యం చేరుతుంది. ఆ రాజ్యానికి రాజు మయూర ధ్వజుడు. ఆయన మహా పరాక్రమ వంతుడు, గొప్ప దాతగా పేరుగాంచినవాడు. మయూరధ్వజుని కుమారుడు తామ్ర ధ్వజుడు, పాండవుల యాగాశ్వాన్నిబంధిస్తాడు. తామ్రధ్వజునితో యుద్ధం చేసిన నకులసహదేవులు, భీమార్జునులు ఓడిపోతారు. తమ్ములందరూ ఓడిపోయిన విషయం తెల్సుకున్న ధర్మరాజు స్వయంగా యుధ్ధానికై బయలుదేరగా శ్రీకృష్ణుడు అతన్ని వారించి మయూరధ్వజుడ్ని యుధ్ధంలో జయించడం సాధ్యంకాదనీ, మహాబలపరాక్రమవంతులైన భీమార్జునులే ఓడిపోయారనీ, అతడ్నికపటోపాయాంతో మాత్రమే జయించాలనీ చెప్తాడు.

శ్రీకృష్ణుడు, ధర్మరాజుతోకలసి వృద్ధ బ్రాహ్మణుల రూపంలో మణిపురం చేర్తాడు. ఆ బ్రాహ్మణులను చూసిన మయూరధ్వజుడు వారికి దానం ఇవ్వదలచి ఏమి కావాలో కోరుకొమ్మని అడుగుతాడు. దానికి శ్రీకృష్ణుడు, "రాజా! మీ దర్శనార్ధమై మేము వస్తున్న దారిలో ఒక సింహం అడ్డు వచ్చి ఈతని కుమారుడ్ని పట్టుకుంది. బాలుని విడిచి పెట్టవలసినదిగా మేముప్రార్థించగా, సింహం మానవ భాషలో' మీ కుమారుడు మీకు కావాలంటే మణిపుర రాజైనా మయూరధ్వజుని 'శరీరంలోని సగభాగం నాకు ఆహారంగా అతడి భార్యాపుత్రులే స్వయంగా కోసి ఇవ్వగా తెచ్చి ఇస్తే, ఈతడ్ని వదిలేస్తాననీ చెప్పిందనీ, కనుక ప్రభువులు మా యందు దయదలచి తమ శరీరంలోని సగభాగాన్ని దానమిచ్చి ఈతడి కుమారుని కాపాడమని కోరుతారు. వారి కోరిక విన్న మయూరధ్వజుడు అంగీకరించి దానికి తగిన ఏర్పాట్లు చేయించి భార్యాసుతులు అతని శరీరాన్నిమధ్యకు కోసి వారికి ఇవ్వమని చెప్తాడు. వారు ఆయన శరీరాన్ని సగంగా కోయటం చూచిన ధర్మరాజు అతని దాన గుణానికి నివ్వెరపోయాడు. ఇంతలో మయూరధ్వజుని ఎడమకన్ను నుంచి నీరు కారటం చూసిన ధర్మరాజు "తమరు కన్నీరు కారుస్తూ ఇచ్చిన దానం మాకు వద్దు గాక వద్దు అంటాడు. అందుకు మయూరధ్వజుడు, "మహాత్మా తమరు పొరపడుతున్నారు. బాధపడి నా శరీరాన్ని మీకివ్వటం లేదు. నా కుడి భాగం పరోపకారానికి ఉపయోగపడింది, కానీ ఆ భాగ్యం తనకు కలగటంలేదు కదా అని ఎడమ కన్ను చాలా బాధపడుతూ కన్నీరు కారుస్తున్నది." అని వివరిస్తాడు.

మయూరధ్వజుని దానశీలతకు మెచ్చిన శ్రీకృష్ణుడు తన నిజరూపాన్ని చూపి "మయూరధ్వజా! నీ దానగుణం అమోఘం ! ఏదైనావరం కోరుకో! అనుగ్రహిస్తాను" అంటాడు. "పరమాత్మా! నా శరీరం నశించినా నా ఆత్మ పరోపకారార్థం ఉపయోగపడేలా నిత్యం మీ ముందు ఉండేలాగానుగ్రహించండి. " అని కోరుతాడు మయూరధ్వజుడు. అందుకు శ్రీకృష్ణుడు "తథాస్తు" అని పలికి, "మయూరధ్వజా! నేటి నుంచీ ప్రతి దేవాలయం ముందు నీ గుర్తుగా నీ పేరున ధ్వజస్తంభాలు వెలుస్తాయి. వాటిని ఆశ్రయించిన నీ ఆత్మ, నిత్యం దైవ సాన్నిధ్యంలో ఉంటుంది. ముందు నిన్ను దర్శించి ప్రదక్షిణ నమస్కారాలు ఆచరించిన మీదటనే ప్రజలు తమ ఇష్టదైవాలను దర్శించుకుంటారు. ప్రతినిత్యం నీ శరీరమున దీపం ఎవరుంచుతారో వారి జన్మ సఫలం అవుతుంది. నీ నెత్తిన ఉంచిన దీపం రాత్రులందు బాటసారులకు దారి చూపే దీపం అవుతుంది" అంటూ అనుగ్రహించాడు. ఆనాటి నుంచీ ఆలయాల ముందు ధ్వజస్తంభాలు తప్పనిసరిగా ప్రతిష్టించడం ఆచారమయింది. భక్తులు ముందుగా ధ్వజస్థంభానికి మొక్కి ఆ తర్వాతే ములవిరాట్టు దర్శనం చేసుకోడం సాంప్రదాయంగా మారింది.


అందరు తెలుసుకోవలసిన విషయం ఇది 

Sunday, 7 October 2018

ఓం శరవణభవ


కోర్టుకు వచ్చి సాక్ష్యం చెప్పిన శ్రీ సుబ్రహ్మణ్యుని లీల

అది 1972 వ సంవత్సరం

తమిళనాడు లోని పళని అనే గ్రామంలో ఇద్దరు ప్రాణ స్నేహితులు ఉండేవారు.వారు పేర్లు పళనివేల్ , తారక మణి.ఇద్దరూ జీవనోపాధికై వ్యాపారాలు చేసేవారు.

పెళ్లినా ఎన్నో సంవత్సరాలు పిల్లలు కలగని కారణం చేత పళనివేల్ తల్లిదండ్రులు ఆ పళని సుబ్రహ్మణ్య స్వామి వారికి సంతాన బిక్షను ప్రసాదించమని మ్రొక్కుకున్నారు.వారు అలా మ్రొక్కుకుని ముడుపు కట్టిన సంవత్సరం లోపే వారికి పండంటి మగ శిశువు జన్మించాడు.సుబ్రహ్మణ్యుని వర ప్రసాదం వలన జన్మించినందుకు ఆ శిశువుకు పళని వేల్ అనే పేరు పెట్టారు.

పళని వేల్ కు చిన్నతనం నుండే దైవ భక్తి మెండుగా ఉండేది.ఆ పళని సుబ్రహ్మణ్య స్వామి వారిని ఆరాధించేవాడు.వృత్తి పరంగా అనేక వ్యాపారాలు చేసినా వాటిలో ధర్మం పాటించేవాడు.వ్యాపారంలో వచ్చే లాభాలలో సగం పళని సుబ్రహ్మణ్య స్వామి వారికి సమర్పించేవాడు.

తారక మణి అనే వ్యక్తితో పళని వేల్ కు చిన్నతనం నుండి మంచి స్నేహం ఉండేది.ఇద్దరూ ఒకరికొకరు సహాయం చేసుకుంటూ చేదోడు వాదోడుగా ఉండేవారు.తారక మణికి కూడా దైవభక్తి ఎక్కువే.

ఇదిలా ఉండగా ఒక సంవత్సరం తారక మణి చేసిన వ్యాపారంలో నష్టం వచ్చి తనకున్న ఆస్తితో సహా మొత్తం కోల్పోయాడు.తన స్నేహితుని కష్ట దశను అర్ధం చేసుకున్న పళని వేల్ తారక మణిని పళని సుబ్రహ్మణ్య ఆలయానికి పిలిపించి ఆ సుబ్రహ్మణ్యుని సన్నిధిలో తన ఆస్తిలో సగభాగం ఇచ్చాడు.

తారక మణి ఆనందభాష్పాలతో తన స్నేహితుడు చేసిన సహాయానికి కృతజ్ఞతతో నమస్కరించాడు.అడుగకుండానే సహాయపడిన నీ గొప్ప మనస్సుకి ఏమిచ్చి ఋణం తీర్చుకోగలను.నీ బాకీని తీర్చగాలనేమో కానీ నీ వాత్సల్యానికి జన్మంతా ఋణపడే ఉంటాను అన్నాడు.

పళని వేల్ ఇలా అన్నాడు,ఇది అప్పు కానే కాదు,ఇందులో ఋణం అనే పదానికి చోటేలేదు.నా స్నేహితుని ఆపదలో ఆడుకోవడం నా కనేస ధర్మం.నువ్వు మళ్ళీ వ్యాపారం మొదలుపెట్టి అభివృద్ధిలోకి వస్తే అంతకు మించిన సంతోషం ఏముంటుంది నాకు అని.

ఇదంతా చూస్తున్న ఆ గుడి ఆవరణలో పూల వ్యాపారం చేసుకుంటున్న మురుగన్ అనే వ్యక్తి వారితో ఇలా అన్నాడు.మీలాంటి స్నేహితులను నేను ఇంతవరకూ చూడలేదు.ఎటువంటి బంధాలనైన త్రుంచే ప్రమాదమైన పదార్ధం " ధనం ".

ధనం ప్రభావం వలన మనుషుల మనస్తత్వం మారిపోతుంది.పళని వేల్ గారూ, మీరు చేస్తున్న సహాయానికి ఒక " ప్రామిసరీ నోటు " వ్రాసుకుంటే ఇరువురికీ మంచిది కదా అన్నాడు.

అందుకు పళని వేల్,ఇది అప్పుగా ఇస్తున్న ధనం కాదు,నా స్నేహితుని కష్టదశలో ఆడుకోవడం నా కనీస ధర్మం.ఇందులో ఋణ ప్రసక్తే లేదు అన్నాడు.

తారక మణికి పళని వేల్ వ్యక్తిత్వం అర్ధం అయ్యింది.తను వ్యాపారంలో లాభాలు పొందితే వాటి నుండి తన సంతోషం కోసం పళని వేల్ కు ఏదైనా కానుకగా ఇచ్చినప్పుడు అంగీకరిస్తాను అని ఒప్పుకుంటేనే ఈ సహాయం స్వీకరిస్తాను అని పట్టుబట్టాడు.

అందుకు పళని వేల్,నువ్వు నాకు కనుకలు ఇస్తే నువ్వు సంతోష పడవచ్చు నిజమే కానీ నేను కూడా సంతోష పడాలంటే నువ్వు మరొక పని చేయాలి అన్నాడు.

అదేమిటంటే నువ్వు నాకు కానుకలు ఇచ్చేబదులు వాటిని ఈ పళని సుబ్రహ్మణ్య స్వామి వారి ఉత్సవాలకూ, ఆలయ అభివృద్ధికీ , స్వామి వారిని దర్శించడానికి వచ్చే భక్తుల సౌకర్యాలకు , అన్నదానం కొరకు కర్చు పెట్టు నేను చాలా సంతోషిస్తాను అన్నాడు.అందుకు సంతోషంగా అంగీకరించాడు తారక మణి.

కొన్ని రోజులలోనే పళని వేల్ ఒక వర్తక నిమిత్తం విదేశాలకు వెళ్ళ వలసి వచ్చింది . తన స్నేహితుడు తారక మణిని పిలిచి తన ప్రయాణం గురించి వివరించి కొన్ని సంవత్సరాలు తాను విదేశాలలో వ్యాపారం చేసుకుని తిరిగి వస్తానని,నీకు వ్యాపారంలో లాభాలు వస్తే వాటిలో కొంత పళని సుబ్రహ్మణ్య స్వామి వారి ఆలయానికి కర్చు చేయమని ఒకవేళ లాభాలు రాణి పక్షంలో తన ఇంట్లో వారిని అడిగి తీసుకుని ఆలయానికి కర్చు చేయమని చెప్పాడు.అలాగే అని అంగీకరించాడు తారక మణి.

పళని వేల్ విదేశాలకు వెళ్ళి ఆరు సంవత్సరాలకు తిరిగి స్వదేశం వచ్చాడు.తన స్నేహితుడు తారక మణిని కలవడానికి ఆతృతతో తన ఇంటికి వెళ్ళాడు.అప్పటికే కోట్లు సంపాదించిన తారక మణి పళని వేల్ ను గుర్తు పట్టనట్లు ప్రవర్తించాడు.ధన మదంతో ఇలా ప్రవర్తిస్తున్నాడు అని అర్ధం చేసుకున్న పళని వేల్ సుబ్రహ్మణ్య స్వామి వారి ఆలయానికి ఏమైనా కర్చు చేస్తున్నాడా అని వాకబు చేసాడు.

తారక మణి గత ఆరు సంవత్సరాలుగా ఆలయానికి ఏమి చేయలేదు అని , పళని వేల్ ఇంటి సభ్యులే కర్చు చేస్తున్నారని తెలుసుకున్నాడు.తన స్నేహితుడు ఇంతలా మారిపోయినందుకు , తనను గుర్తుపట్టనట్లు నటించినందుకు కూడా పళని వేల్ అంతగా బాధపడలేదు కానీ దేవుడ్ని మోసం చేసినందుకు ఎంతగానో బాధపడ్డాడు.

మరొక్కసారి తారక మణిని కలుసుకుని దేవుడి సొత్తును దొంగిలించడం మంచిది కాదు,నువ్వు దేవుడికి చేయవలసిన కర్చును ఇప్పటికైనా చెల్లించు అని చెప్పాడు.అందుకు తారక మణి నేను దేవునికి చేస్తాను అని చెప్పాను అంటున్నావు నీ దగ్గర ఏదైనా సాక్ష్యం ఉందా అని అడిగాడు.

దేవుడిని సన్నిధిలో నువ్వు చేసిన ప్రమాణానికి ఆ దేవుడే సాక్షి అన్నాడు.సరే అయితే ఆ దేవుడ్నే వచ్చి నాకు చెప్పమను అప్పుడు చేస్తాను అన్నాడు.తారక మణి వ్యంగ్య ధోరణికి మనస్తాపం చెంది,సరే కోర్టులోనే కలుద్దాం అని చెప్పి వెళ్ళిపోయాడు.

పళని వేల్ తరఫున వాదిస్తున్న వకీలు,మన దగ్గర ఏ సాక్ష్యాధారాలు లేవూ ,కేవలం నోటి మాటలను కోర్టు నమ్మదు కనుక మనం ఈ కేసులో గెలవకపోవచ్చు అన్నాడు.అందుకు పళని వేల్ ఈ సొత్తు దేవునిది,ఆయన సొత్తును ఆయనే కాపాడుకోలేకపోతే తన భక్తులను ఎలా రక్షిస్తాడు.దేవుడిపై ఉండే నమ్మకం తరిగిపోతుంది కదా,మన ప్రయత్నం మనం చేద్దాం , తుది నిర్ణయం ఆ దేవునికే వదిలేద్దాం అన్నాడు.

ఆ రోజు రాత్రి పళని వేల్ కు ఒక స్వప్నం వచ్చింది.ఆ స్వప్నంలో అతను పళని సుబ్రహ్మణ్య స్వామి వారి ఆలయానికి వెళ్ళాడు.స్వామిని దర్శించుకుని తన మనసులోని బాధను,తను స్నేహితుడు చేసిన మోసాన్ని,దేవుడ్ని కూడా మోసం చేయాలనుకునే ఆలోచనల్ని తలచుకుని బాధపడుతుండగా వెనుక నుండి," అయ్యా ఎలా ఉన్నారు , చాలా సంవత్సరాల తరువాత మిమ్మల్ని మళ్ళీ చూస్తున్నాను,మీ వ్యాపారం ఎలా ఉంది , మీ స్నేహితుడు స్వామికి సేవ చేస్తాను అన్న మాటను నిలబెట్టుకున్నడా ? " అని ప్రశ్నించాడు.

అప్పుడు గుర్తొచ్చింది పళని వేల్ కు,నువ్వు మురుగన్ కదా,చాలా సంవత్సరాలు అయ్యింది కదా కనుక వెంటనే గుర్తుపట్టలేకపోయాను.నువ్వు ఎలా ఉన్నావు,ఎక్కడ ఉంటున్నావు,నా స్నేహితుడు నన్ను , దైవాన్ని కూడా మోసం చేసాడు.తను చేస్తాను అన్న సేవలేవి చేయలేదు,నన్ను కూడా ఎరుగనట్లు మాట్లాడుతునాడు.అందుకే కోర్టులో కేసు వేసాను.కానీ నా దగ్గర సాక్ష్యాధారాలు లేవు,అన్నిటికీ ఆ దేవుడే ఉన్నాడని నమ్ముతున్నాను అన్నాడు.

అందుకు మురుగన్,మీరేమి దిగులు పడకండి,మీ దగ్గర నోటు లేకపోవచ్చు కానీ నేను ప్రత్యక్ష్య సాక్షిని కదా,నేను వచ్చి మీ తరఫున సాక్ష్యం చెబుతాను అన్నాడు.చాలా సంతోషం ఇప్పుడు ఎక్కడ ఉంటున్నావు అని అడిగాడు పళని వేల్.ఇక్కడు 60 కిలోమీటర్ల దూరంలో ఉండే ఒక గ్రామంలో ఉంటున్నాను అన్నాడు మురుగన్.

వెంటనే పళని వేల్ కు మెలకువ వచ్చింది.తనకు వచ్చింది స్వప్నం అని గ్రహించాడు కానీ అందులో ఎంతవరకు నిజం ఉందొ తెలుసుకోవాలని కలలో మురుగన్ చెప్పిన గ్రామానికి వెళ్ళాడు.మురుగన్ ఇల్లు వెతుక్కుంటూ వెళ్ళి చూడగా అక్కడ మురుగన్ కనిపించాడు.ఆశ్చర్యం , ఆనందం కలిగిన పళని వేల్ జరిగినదంతా చెప్పాడు.ఆ స్వప్నం కూడా సుబ్రహ్మణ్యుని లీలే అని ఆనందించారు.

కోర్టులో కేసు విచారణకు వచ్చింది.అప్పుడు పళని వేల్ తరఫున సాక్ష్యం చెప్పడానికి వచ్చిన మురుగన్ ను చూసి భయపడిపోయాడు తారక మణి.మురుగన్ మాటను నమ్మిన కోర్టు తారక మణి చేసిన మోసాన్ని గుర్తించి తన ఆస్తిలో పావు వంతు స్వామి వారికీ ఇవ్వాలని తీర్పునిచ్చింది.

కోర్టు ఆవరణలో పళని వేల్ ను కలిసి తారక మణిని ఇలా అడిగాడు,ఈ మురుగన్ ఎలా వచ్చాడు, ఎక్కడ నుండి వచ్చాడు,నేను నమ్మలేకపోతున్నాను అని.అందుకు పళని వేల్ నీతో మాట్లాడి వెళ్ళిన రోజు రాత్రి నాకు ఒక స్వప్నం వచ్చింది అందులో నాకు మురుగన్ కనిపించాడు,తన చిరునామా చెప్పాడు,నేను ఉదయాన్నే తను చెప్పిన ఊరికి వెళ్లి చూసాను,అక్కడ నిజంగానే మురుగన్ కనిపించాడు.తను కోర్టుకు వచ్చి సాక్ష్యం చెబుతాను అన్నాడు.ఇచ్చిన మాట ప్రకారమే ఈరోజు వచ్చి సాక్ష్యం చెప్పాడు అన్నాడు.

అందుకు తారక మణి,అసలు ఈ మురుగన్ మూడు సంవత్సరాల క్రితమే మన ఊరిలోనే మరణించాడు.తను నీకు కలలో కనిపించడం,చిరునామా చెప్పడం,నువ్వు వెళ్లి నిజంగానే కలవడం,తను ఈరోజు కోర్టుకు వచ్చి సాక్ష్యం చెప్పడం అంతా విచిత్రంగా ఉంది.ఆ మురుగన్ ఎవరో కాదు సాక్షాతూ ఆ పళని సుబ్రహ్మణ్య స్వామి వారే.నేను తప్పు చేశాను,కోర్ట్ చెప్పిన దానికి రెండింతలు స్వామి వారి చేల్లిస్తాను అన్నాడు.

అప్పుడు అందరికీ అర్ధం అయ్యింది నిజంగానే సుబ్రహ్మణ్య స్వామి వారే వచ్చి సాక్ష్యం చెప్పి నిజాన్ని నిరూపించారు అని.ఇక్కడ సుబ్రహ్మణ్యుని పిలిస్తే పలుకుతాడు.

వీటిని భక్తులందరూ తప్పకుండా తెలుసుకోవాలి .

దయచేసి అందరికీ షేర్ చేయండి

అందరం " ఓం శరవణభవ " అని వ్రాసి స్వామి వారి అనుగ్రహం పొందుదాం

ఓం శరవణభవ ఓం శరవణభవ ఓం శరవణభవ
ఓం శరవణభవ ఓం శరవణభవ ఓం శరవణభవ
ఓం శరవణభవ ఓం శరవణభవ ఓం శరవణభవ
ఓం శరవణభవ

సేకరణ: సంభవామి యుగే యుగే గ్రూప్...

గురు పౌర్ణమి శుభాకాంక్షలు

 గురు పౌర్ణమి శుభాకాంక్షలు  జై కాశీ నాయన