Thursday, 25 June 2020

బెజవాడ ఆలయంలో రాజద్వారంపై ఉండే ఈ పద్యం గురించి మీకు తెలుసా




బెజవాడ ఆలయంలో రాజద్వారంపై ఉండే
ఈ పద్యం గురించి మీకు తెలుసా

అమ్మలగన్నయమ్మ ముగురమ్మల మూలపుటమ్మ 
చాల బెద్దమ్మ, సురారులమ్మ కడుపారడి పుచ్చినయమ్మ దన్నులో నమ్మిన వేల్పుటమ్మల మనమ్ముల నుండెడి యమ్మ దుర్గ, మాయమ్మ, కృపాబ్ధి యిచ్చుత మహత్త్వ కవిత్వ పటుత్వ సంపదల్ !! 

విజయవాడ కనకదుర్గమ్మ తల్లి కోవెలలో ఇప్పటికీ రాజద్వారం మీద ఈ పద్యం రాసి ఉంటుంది. ఈ పద్యం పైకి ఒకలా కనపడుతుంది. మీరు తెలిసికాని, తెలియకకాని పోతనగారు వ్రాసిన పద్యములు కొన్ని నోటికి వచ్చినవి మీరు చదివినట్లయితే అవి సత్ఫలితాన్ని ఇచ్చేస్తాయి. ఎందుకు అంటే మీరు కొన్ని కొన్ని చదవకూడదు. కొన్ని కొన్ని చేయకూడదు. పక్కన గురువు వుంటే తప్ప మేరువుని, శ్రీచక్రమును ఇంట్లోపెట్టి పూజ చెయ్యలేరు. అది మనవల్ల కాదు. మీరు బీజాక్షరములను ఉపాసన చెయ్యలేరు. అది కష్టం. కానీ పోతనగారు ఈ దేశమునకు బహూకరించిన గొప్ప కానుక ఆయన రచించిన భాగవత పద్యములు.

అమ్మలనుకన్న దేవతా స్త్రీలయిన వారి మనస్సులయందు ఏ అమ్మవారు ఉన్నదో అటువంటి అమ్మని మహత్వ కవిత్వ పటుత్వ సంపదల్ ఈ నాలుగింటికోసము నమస్కరిస్తున్నాను. అటువంటి దుర్గమ్మ మాయమ్మ. ఇవీ ఆయన ఈ పద్యంలో చెప్పిన విషయములు, మీరు చెయ్యలేని ఒక చాలా కష్టమయిన పనిని పోతనగారు చాలా తేలికగా మీకు ప్రమాదం లేని రీతిలో మీతో చేయించేయడానికని ఇటువంటి ప్రయోగం చేశారు.

*అమ్మలగన్నయమ్మ*  అమ్మలని చెప్పబడ్డవారు ఎవరు? మనకి లలితాసహస్రం *శ్రీమాతా* అనే నామంతో ప్రారంభమవుతుంది. 'శ్రీమాతా’ అంటే 'శ’కార 'ర’కార 'ఈ’కారముల చేత సత్వరజస్తమోగుణాధీశులయిన బ్రహ్మశక్తి, విష్ణుశక్తి రుద్రశక్తులయిన రుద్రాణి, లక్ష్మీదేవి, సరస్వతీదేవి ఈ ముగ్గురికీ అమ్మ ఈ మూడు శక్తులను త్రిమూర్తులకు ఇచ్చినటువంటి పెద్దమ్మ అమ్మ ఎవరు వున్నదో ఆయమ్మ  అంటే 'లలితాపరాభట్టారికా స్వరూపం’ ఆ అమ్మవారికీ దుర్గాస్వరూపమునకు భేదం లేదు అందుకని 'అమ్మలగన్నయమ్మ’ 'ముగ్గురమ్మల మూలపుటమ్మ’ ఆ ముగ్గురు అమ్మలే మనం మహాకాళి, మహాలక్ష్మి, మహా సరస్వతి స్వరూపములుగా కొలిచే తల్లులు. ఈ ముగురమ్మల మూలపుటమ్మ. 'చాల పెద్దమ్మ’ ఇది చాలా గమ్మత్తయిన మాట. చాల పెద్దమ్మ అనే మాటను సంస్కృతంలోకి తీసుకువెడితే మహాశక్తి అండపిండ బ్రహ్మాండములనంతటా నిండిపోయిన బ్రహ్మాండమయిన శక్తిస్వరూపం. ఈ శక్తి స్వరూపిణి చిన్నపెద్దా భేదంలేకుండా సమస్త జీవరాశులలోను ఇమిడి ఉంది. అలా ఉండడం అనేదే మాతృత్వం. ఇది దయ. దీనిని సౌందర్యం అంటారు. దయకు సౌందర్యం అని పేరు. అది ప్రవహిస్తే సౌందర్యలహరి.

అండపిండ బ్రహ్మాండములనన్నిటినీ నిండిపోయి ఈ భూమిని తిప్పుతూ, లోకములనన్నిటినీ తిప్పుతూ ఇవన్నీ తిరగడానికి కారణమయిన అమ్మవారు ఎవరో ఆ అమ్మ.

'సురారులమ్మ కడుపారడి పుచ్చినయమ్మ’ సురారి అనగా దేవతలకు శత్రువయిన వాళ్ళ అమ్మ. అనగా దితి. దితి అయ్యో అని ఏడిచేటట్టుగా ఆవిడకు కడుపుశోకమును మిగిల్చింది. అనగా రాక్షసులు నశించడానికి కారణమయిన అమ్మ. దేవతలలో శక్తిగా ఈమె ఉండబట్టే రాక్షసులు మరణించారు.

'తన్నులోనమ్మిన వేల్పుటమ్మల మనమ్ముల నుండెడియమ్మ’  ఇదొక గొప్పమాట. అమ్మవారిని మనస్సులో నమ్ముకుని శక్తితో తిరుగుతున్న వారెవరు?

*బ్రాహ్మి, మాహేశ్వరి, వైష్ణవి, మహేంద్ర, చాముండ, కౌమారి, వారాహి, మహాలక్ష్మి*

మనకి సంప్రదాయంలో 'అష్టమాతృకలు’ అని ఉన్నారు. వాళ్ళని మనం ఎనిమిది పేర్లతో పిలుస్తూ ఉంటాము. *బ్రాహ్మి, మహేశ్వరి, వైష్ణవి, మహేంద్రి, చాముండ, కౌమారి, వారాహి, మహాలక్ష్మి*. 

ఇలా ఎనమండుగురు దేవతలు ఉన్నారు. వీరిని 'అష్టమాతృకలు’ అని పిలుస్తారు. ఈ అష్టమాతృకలు శ్రీచక్రంలో దేవతలుగా ఉంటారు. వీరు నిరంతరము అమ్మవారిని లోపల కొలుస్తూ, అమ్మవారి వలన శక్తిని పొంది మనని ఉద్ధరిస్తూ ఉంటారు. ఈ ఎనమండుగురునే మనం కొలుస్తూ వుంటాము.

'రక్తాంబరాం రక్తవర్ణాం రక్త సౌభాగ్యసుందరాం వైష్ణవీం శక్తిమద్భుతాం’. 

అంటారు దేవీభాగవతంలో వ్యాసభగవానుడు. ఈ ఎనమండుగురికీ శక్తినిచ్చిన అమ్మవారెవరో ఆవిడే వేల్పుటమ్మల మనమ్ముల నుండెడియమ్మ  దుర్గమాయమ్మ ఈ దుర్గమ్మ ఉన్నదే లలితాపరాభట్టారిక  ఆవిడ లలితా పరాభట్టారిక  ఆ అమ్మ మాయమ్మ.

'మహత్త్వ కవిత్వ పటుత్వ సంపదల్’ ఇప్పుడు ఆవిడ నాకు దయతో మహత్త్వ కవిత్వ పటుత్వ సంపదలను ఇవ్వాలి. నాకు అర్హత ఉన్నదని ఇవ్వనక్కరలేదు. దయతో ఇచ్చేయ్యాలి.
అమ్మవారికి 'శాక్తేయప్రణవములు’ అని కొన్ని బీజాక్షరములు ఉన్నాయి. *ఓం ఐం హ్రీం శ్రీ క్లీం సౌః* ఈ ఆరింటిని శాక్తేయ ప్రణవములు అని పిలుస్తారు. దానిని ఎలాబడితే అలా ఉపాసన చెయ్యకూడదు. కాబట్టి బీజాక్షరములను అన్నివేళలా ఉపాసన చేయలేము. కానీ ఇప్పుడు పోతనగారు ఒక గొప్ప ప్రయోగం చేశారు. మహత్వమునకు బీజాక్షరము 'ఓం’, కవిత్వమునకు బీజాక్షరము 'ఐం’, పటుత్వమునకు భువనేశ్వరీ బీజాక్షరము 'హ్రీం', ఆ తర్వాత్ సంపదల్ లక్ష్మీదేవి 'శ్రీం’.

ఇపుడు *'ఓం ఐం హ్రీం శ్రీం’* అమ్మలగన్నయమ్మ *'శ్రీమాత్రేనమః’*. 

మీరు బీజాక్షరములతో అస్తమానూ అలా అనడానికి వీలులేదు. కానీ మీరు రైలులో కూర్చున్నా, బస్సులో కూర్చున్నా స్నానం చెయ్యకుండా కూడా ఎక్కడ ఉన్నా కూడా అమ్మలగన్నయమ్మ ముగురమ్మల మూలపుటమ్మ అంటున్నారనుకోండి అపుడు మీరు మరోరూపంలో *'ఓం ఐం హ్రీం శ్రీం శ్రీమాత్రేనమః’* *ఓం ఐం హ్రీం శ్రీం శ్రీమాత్రేనమః* అనేస్తున్నారు.

మీరు అస్తమాననూ అమ్మను తలచుకున్నట్లు అవుతుంది. అపుడు అమ్మవారు చాలా తొందరగా మీకు పలుకుతుంది. అందుకే లలితా సహస్రం 'శ్రీమాతా’ అంటూ అమ్మతనంతో ప్రారంభమవుతుంది.

ఆవిడ రాజరాజేశ్వరి. అయినా ఆవిడముందు అమ్మా అమ్మా అనేసరికి ఆవిడి పొంగిపోతుంది. ఇన్నిమార్లు ఆ పద్యంద్వారా అటూ ఇటూ అమ్మని మీరు పిలుస్తుంటే విసుక్కోవడం చేతకాని దయాస్వరూపిణి అయిన అమ్మ మీకోరికను తీరుస్తుంది. ఇప్పుడు మీరు *'ఓం ఐం హ్రీం శ్రీం శ్రీమాత్రే నమః’* అనలేకపోవచ్చు.

కానీ 'అమ్మలగన్నయమ్మ ముగురమ్మల మూలపుటమ్మ చాల పెద్దమ్మ' అనడానికి కష్టం ఏమిటి ? 

ఈవిధంగా పోతనగారు శ్రీవిద్యా రహస్యములన్నిటిని ఔపోసనపట్టి తెలుగు వారందరికీ ఒక మహత్తరమయిన కానుకను బహూకరించిన మహాపురుషుడు ఆయన ఒక ఋషి. అందుకని ఆ పద్యమును అనుగ్రహించినారు.
ఆ తల్లి అనుగ్రహం అందరికీ లభించాలని ప్రార్థిస్తూ.......!!! 
మీ
మున్నెల్లి రాజశేఖర్ రెడ్డి
మున్నెల్లి


Wednesday, 19 February 2020

Sunday, 15 December 2019

Jyothi temple

Jyothi temple , 

History, location, God and goddess:



Jyothi is a pilgrimage center, Which is located in nallamala forest area, Near Varikunta village, Kadapa district, Andhrapradesh. 


Jyothi temple can be categorized under religious place and also a popular tourist place in Kadapa district. Jyothi is the place of Sri Kasinayana or kasireddy nayana meditated for several years and become Lord. Jyothi is a place located in Siddhavatam mandal, Kadapa district of Andhra Pradesh.


According to census information Jyothi became a pilgrimage centre in Kadapa district. Here Jyothi Utsavams were celebrated every year. The devotees were comes from out of states also from other countries. The main deities are Jyotinatha Swami in the temple of Jyothi. Kasinayana Matham is located near Jyothinatha temple


Thursday, 5 December 2019

కాశీనాయన

వికీపీడియా నుండి
Jump to navigationJump to search
Kasinayana
కాశీనాయన
Kasireddi nayana.png
కాశీనాయన
జననంనెల్లూరు జిల్లా ఉదయగిరి తాలూకా సీతారామాపురం మండలంలోని బెడుసుపల్లి
నిర్యాణముడిసెంబర్ 6, 1995
కడప జిల్లా జ్యోతి క్షేత్రంలోని శ్రీ అవధూత కాశీనాయన మందిరం (కాశీనాయన సమాధి)
శ్రీ అవధూత కాశిరెడ్డి నాయన ఒక ఆధ్యాత్మిక గురువు. ఈయన ఆంధ్రప్రదేశ్ లోని నెల్లూరు జిల్లా ఉదయగిరి తాలూకా సీతారామాపురం మండలంలోని బెడుసుపల్లిలో జన్మించారు. కాశిమ్మ, సుబ్బారెడ్డి ఇతని తల్లిదండ్రులు. ఈ దంపతులకు రెండవ సంతానం ఈయన. ఈయన పూర్వ నామం మున్నల్లి కాశిరెడ్డి. బాల్యంలో ఇతను గురు అతిరాచ గురువయ్య స్వామిచే ప్రభావితుడయ్యాడు[1]. అనేక తీర్థయాత్రలు చేశాడు. కాశీ నుండి కన్యాకుమరి వరకు అనేక క్షేత్రాలను దర్శించాడు. ఆయన డిసెంబరు 6, 1995 లో మరణించాడు.

కాశినాయన మండలం[మార్చు]

1995 డిసెంబరు 5వ తేదీ రాత్రి ( 1995 డిసెంబరు 6న ) మరణించిన ఈయన జ్ఞాపకార్ధం కడప జిల్లాలోని నరసాపురం కేంద్రంగా కాశినాయన పేరిట రాష్ట్ర ప్రభుత్వం మండలాన్ని ఏర్పాటు చేసింది.

కాశినాయన ఆరాధనోత్సవాలు[మార్చు]

ఆయన పేరు మీద కడప జిల్లాలో జ్యోతి క్షేత్రం వెలసింది. కాశినాయన సమాధి ప్రదేశం ఏడవ జ్యోతి క్షేత్రంగా విరాజిల్లుతోంది. కాశీనాయన పేరు మీద ఇక్కడ ఒకపెద్ద దేవాలయం నిర్మిస్తున్నారు. వీటి నిర్వహణకు సహకరిస్తున్న భక్తుల సహకారం చాలా ముఖ్యమైనది. ప్రతి సంవత్సరం దత్త జయంతి సందర్భంగా కాశిరెడ్డి నాయన భక్తులు, కడప జిల్లాలోని కాశినాయన మండలం లోని జ్యోతి క్షేత్రంలో కాశి నాయన ఆరాధనోత్సవాలు నిర్వహిస్తారు. ఈ క్షెత్రం ఆళ్ళగడ్డకు 50 కిలో మీటర్ల దూరంలో ఉంటుంది. క్షేత్రానికి వచ్చిన వేలాదిమందికి అన్నదానం చేయించే ప్రక్రియను కూడా నాయనగారు ముందుగానే చేయించారు. పాడుబడిన ఆలయాలకు జీర్ణోద్ధరణ చేసి అక్కడ ప్రతిరోజు అన్నదానం జరిగేలా కాశినాయన ఏర్పాటు చేసారు.

కాశినాయన ఆశ్రమాలు[మార్చు]

జ్యోతి క్షేత్రమే కాకుండా కాశినాయన పేరు మీద తెలుగు నేల మీద దాదాపు వందకు పైగా అశ్రమాలు, గుళ్ళు వెలిశాయి. ఇప్పుడు కాశినాయన ఆశ్రమాలు వెలసిన ప్రతి చోట విరివిగా గోసంపద పోషింపబడుతు నిత్యాన్నదానాలు నిర్వహిస్తున్నారు.

కాశినాయనపై పుస్తకాలు[మార్చు]

అతని జీవితంపై ఎన్నో పుస్తకాలు ముద్రించబడ్డాయి. వాటిలో శ్రీ కాశి నాయన పాదరేణువులు రచించిన సమర్థ సద్గురు కాశినాయన అనురాగ జీవితం ఒకటి.

చిత్రమాలిక[మార్చు]

ఇవి కూడా చూడండి[మార్చు]

బయటి లింకులు[మార్చు]

మూలాలు[మార్చు]

Monday, 2 December 2019

#రాయలసీమ..
#నిత్యాన్నధాన నిలయం కాశిరెడ్డి నాయన '#ఓంకారం'

కర్నూలుజిల్లాలో ఎన్నో చూడదగ్గ ప్రదేశాలు ఉన్నాయి. కానీ వాటిలో ఎక్కడాలేని ప్రత్యేకత ఒకచోట ఉంది. అదే కాశిరెడ్డి నాయన నిత్యాన్నధాన నిలయం 'ఓంకారం'. కర్నూలుజిల్లా నంద్యాలకు సమీపంలోని ఆత్మకూరు మండలం ఈర్నపాడు నుంచి 8కిలోమీటర్ల దూరంలోని అడవీప్రాంతంలో ఈ ఓంకారేశ్వరస్వామి కోలువై ఉన్నాడు. ఇది కేవలం దైవం కోసం వెలసినది మాత్రమే కాదు. కొన్నివేల మందికి అనునిత్యం మూడుపూటలా భోజనం పెడుతున్న నిలయం. దేవుడు కొలువై ఉన్న చాలాచోట్ల అన్నధానాలు నిర్వహించడం చూస్తుంటాం... వాటన్నింటికి భిన్నమైన భోజనం ఇక్కడ పెడతారు. ప్రతిరోజు ఒక్కో రకమైన వంటకాలతో నిత్యం వేలమందికి ఇక్కడ భోజనం పెడతారు.

ఉదయం రకరకాల టిఫిన్‌ కూడా పెడతారు. వాటిలో దోశే, ఇడ్లీ, పొంగళి, సాంబారు అన్నం, పులిహోర, పులగం, చట్నీ, ఉగ్గాని(బోరుగులు లేదా మర్మరాలు), బజ్జీలు, ఉప్మా పెడతారు. మద్యాహ్నం రోజుకోక రకం ప్రసాదాలు, తీపి పదార్థాలు(స్వీట్‌)లు పెడతారు. వాటిలో ప్రధానమైనవి సేమీయా, సెనిగబేడలు కలిపి చేసే పరమాన్నం(పాయస్యం), మన ఇంట్లో కూడా కేవలం పండగ పబ్బాలకు కూడా అంతబాగా చేయలేరు. కానీ అక్కడ చేసే పాయస్యంలో బాదం, గోడంబీ, ఎండు ద్రాక్ష, కర్బూజ విత్తనాలు, యేలకలు, నెయ్యి దట్టంగా వేస్తారు. అంతేనా ప్రతి ఒక్కరికి నెయ్యిని విడిగా వడ్డిస్తారు. వీటికోసం అక్కడ దాదాపు 400 వందల ఆవులు మేపుతున్నారు. అవన్నీ కూడా భక్తులు,దాతలు  సమర్పించినవే. బచ్చాలు(బొబ్బట్లు), పూర్ణం కర్జికాయలు, బియ్యంపాయస్యం(అన్నంలోకి బెల్లం వేసి చేసేది), చెక్కర పొంగళి, వీటన్నికి తోడుగా మరోక స్వీట్‌ లడ్డూ, జిలేబి, కొవా కర్జికాయ, బాదుసా, పాలకోవ, కేసరి లాంటి ఏదో ఒకదానిని విదిగా పెడతారు.

ఇక అన్నం విషయానికి వస్తే పులిహోర, లేదా చిత్రాన్నం, అన్నం, పప్పూ, రసం, సాంబారు లేదా పచ్చి పులుసు, చట్నీ, ఊరగాయ, పెరుగన్నం, అప్పడం లేదా బొంగులు(గొట్టాలు), ఎంతకావాలంటే అంత పెడతారు. కొన్ని వందల ప్లేట్లు భక్లులు సమర్పించినవి అక్కడ ఒక పెద్ద డబ్బాలో పెట్టి ఉంటారు. ఎవరికి కావలసిన వారు వెళ్లి వాటిని తీసుకుని కడుపునిండా భోజనం చేయవచ్చు. ఎప్పుడు వినడమే కానీ పోయి చూసింది లేదు.ఓ వివాహానికి ఈర్నపాడుకు వెళ్లినప్పుడు పక్కనే ఉంది వెలదామని బలవంతపెడితే వెళ్లాను. అక్కడికి వెళ్లిన తరువాత ఈ కలికాలంలో ఇంత బాగా కాశిరెడ్డి నాయన అశ్రమాన్ని నిర్వహిస్తున్న వారు ఉన్నారా..? అనిపించింది.

నిజానికి చాలా ట్రస్టులు, దేవాలయాల దగ్గర ఇలా నిత్యాన్నధానాలు నిర్వహిస్తున్నారు కానీ ఈ తరహా చేస్తున్న వారిని నాకు తెలిసి ఇక్కడ మాత్రమే చూశాను. అలాగే అక్కడే కొండ పైకి 4 కిలోమీటర్లు కాలినడకన వెళితే కాలజ్ఞాని శ్రీ పోతులూరు వీరబ్రహ్మేంద్ర స్వామి స్వయంగా నిర్మించిన కొలను, కొలను భారతీ అమ్మవారితో పాటు ఒకే శిలపై ఇటు వెంకటేశ్వర స్వామి, వెనుక పద్మావతి అమ్మవారు కొలువై ఉన్నారు. వీటిని చూడటానికి కొండపైకి రాళ్ల బాటలో నడిచి వెళ్లాలి. అక్కడ కూడా నిత్యాన్నధానం  భోజనం పెడుతున్నారు. పైన కూడా ప్రసాదంగా పులిహోర, అవు పెరుగుతో చేసిన కమ్మని పెరుగన్నం, లడ్డూ పెడతారు. అవి ఎంత కమ్మగా ఉన్నాయో చెప్పడానికి లేదు. నేను రెండుసార్లు పెట్టించుకుని తిన్నాను. మాకు ఒకసారి కొండపైకి ఎక్కడానికే కష్టం అనిపించింది.. కానీ వారు కింది నుంచి అన్నిటిని మోసుకుని వెళ్లి పెడతారు. అంతేకాదు ప్రతిరోజు ఉదయం, సాయంత్రం కాఫీ కూడా పోస్తారు. అక్కడ సాధువులు, పిల్లలు వదిలించుకున్న, వాళ్ల మీద విరక్తి చెంది వచ్చిన తల్లిదండ్రులు, అనాధలు ఎంతోమంది ఉన్నారు.

అక్కడ జరుగుతున్న కార్యక్రమాలలో వారు కూడా చేదోడువాదోడుగా ఉంటూ శక్తి ఉన్నంతమేరకు సహాయ సహాకారాలు అందిస్తూ శేషజీవితాన్ని గడిపేస్తున్నారు. అక్కడ ఉన్న ఒక వృద్ధ దంపతులను పలకరించగా కన్నపిల్లల చేత ఈసడించుకోవడం కంటే ఇదే ఉత్తమం కదా నాయనా... దైవ సన్నిధిలో ఎందరికో భోజనం వడ్డిస్తూ... వారి ఆశీర్వచనాలతో పోవడం కంటే స్వర్గప్రాప్తి ఉంటుందా అన్నారు. ఒక్కసారిగా నా కళ్లలో నీళ్లు తిరిగాయి. ఇలా అక్కడ ఉన్న చాలామంది వృద్ధులకు ఒక్కోక్కరికి ఒక్కో ధీనగాధ ఉంది. మరి ఇంతమందికి ఇంత రుచికరమైన భోజనం ప్రతిరోజు ఎలా పెడుతున్నారని ఆరాతీయగా చుట్టూపక్కల వందల గ్రామాల ప్రజలు తమకు పండిన వరి పంటలో 1నుంచి 2శాతం కాశిరెడ్డి నాయన ఆశ్రమానికి తెచ్చి ఇస్తారట. అంతేకాకుండా ఎవరికి తోచిన సహాయ సహకారాలు అందిస్తారట. దేశ విదేశాల్లో ఉన్న భక్తులు, దయాగుణం కలిగిన దాతలు సహాయం చేస్తారట. కాశిరెడ్డి నాయన జీవించి ఉన్నప్పుడే  ఇక్కడే కాకుండా మరో 18చోట్ల ఇలానే నిత్యాన్నధానాన్ని నిర్వహిస్తున్నారని అక్కడి పూజారి చెప్పుకొచ్చారు. నిజంగా వారికి చేతులేత్తి నమష్కరిస్తున్నాను వేలమంది ఆకలి తీర్చుతున్నందుకు...!

Wednesday, 17 April 2019

శ్రీయంత్రం మిస్టరీ!!

శ్రీయంత్రం మిస్టరీ!!
~ USA లోని Oregon ప్రాంతం లో ఎండిపోయిన ఒక చెరువు ఉండే ప్రాంతం లో కనుగొన బడిన శ్రీయంత్రం ఇది.
~ సుమారు 13 మైళ్ళ పొడవు,వెడల్పు ఉన్న శ్రీ యంత్రాన్ని August 10, 1990 న గుర్తించారు.
~ దీనిని భూమికి 9000 అడుగుల ఎత్తు నుంచి ఫోటో తీసారు. ఒక్కో గీత 10 అంగుళాలు వెడల్పు, మూడు అంగుళాలు లోతు ఉంది.
~ ఒక శ్రీ యంత్రాన్ని కాగితం పై గీయాలంటేనే ఎన్నో పరికరాలు అవసరం. చాలా సమయం తో కూడుకున్న పని. అటువంటిది 13
మైళ్ళ పొడవున్న శ్రీ యంత్రం మట్టిలో చక్కగా చిన్న తప్పు కూడా లేకుండా గీయడం మానవ మాత్రులకు అసాధ్యం అని తేల్చి
చెప్పేశారు.~ మరి దీన్ని ఎవరు గీసి ఉంటారు?క్రీస్తు  అంతకు పూర్వమే హిందూమతం అమెరికాలో పుట్టింది అనడానికి నిదర్సనం


Tuesday, 12 March 2019

కాసిరెడ్డి నాయన..రాయలసీమ

కాసిరెడ్డి నాయన..రాయలసీమ..

రాయలసీమ లో నిస్యబ్ధ విప్లవంలా సాగే నిత్యన్నదానం గురించి తెలుసుకోండి..
సరిగ్గా నాలుగేళ్ల క్రితం.. మహాశివరాత్రి నాటి ఓ నదీయాత్రను గుర్తు చేసుకుంటున్నాను.
ఓంకారం..
ఓంకారం ఒక నాదం, ఒక స్వరం, ఒక నమ్మకం, ఒక భక్తి సంకేతం అని మాత్రమే అప్పటివరకూ తెలుసు. ఓంకారం పేరుతో ఒక ఊరు వుందని, అక్కడో శివాలయం వుందని అప్పుడే తెలుసుకున్నా. నంద్యాలకు సమీపంలో వుంటుంది. ఓంకారం ఆలయాన్ని దర్శించడం, శివలింగాన్ని నుదుటితో ముద్దాడడం అనిర్వచనీయ ఆనందాన్ని ఇచ్చింది. అక్కడినుంచి ఎగువకు.. ఆ చీకట్లో అటవీమార్గంలో.. కొండ శిఖరంలోని శ్రీకూర్మపీఠం చేరడం.. అక్కడినుంచి మరో కొండపైకి చేరి వేంకటేశ్వరస్వామి, దుర్గమ్మలను దర్శించడం మర్చిపోలేని అనుభవం. మా ఇంట్లో కుక్కపిల్ల వచ్చి నిద్రలేపినట్టుగా.. శ్రీకూర్మపీఠంలో ఎలుగుబంటి వచ్చి నిద్రలేపి అన్నం పెట్టమని అడగడం... నిజంగా ఆశ్చర్యం కలిగించింది.
అదే ఊపులో కైలాస కోన, , జ్యోతి, సర్వ నరసింహ స్వామి, సత్యవోలు, సింగరకొండ, భైరవకోన,ఘటిక సిద్దేశ్వరం, ముడుమాల, బ్రహ్మంగారి మఠం, అహోబిలం, మహానంది.. ఇలా సుడిగాలి పర్యటన చేశాం.
1994-96 మధ్యకాలంలో కాశినాయన అనే అవధూతను కలుసుకోవాల్సిన సందర్భం వచ్చింది.. కానీ మిస్సయ్యాను ఆ మీటింగ్. నాలుగేళ్ల క్రితం మహాశివరాత్రినాడు ఆ అవధూతను పరోక్షంగా కలుసుకున్నా. నిజం చెప్పాలంటే ప్రత్యక్షంగా చూసినట్టు అనిపించింది.
ఓంకారంలో ఆ అవధూత కాశినాయనను మొదటిసారి చూశా.. అన్నం రూపంలో. కర్నూలు, కడప, ప్రకాశం, నెల్లూరు జిల్లాల్లో... ఎక్కడికి వెళ్లినా అక్కడ అన్నం రూపంలో ప్రత్యక్షం అయ్యాడు కాశినాయన.
మీరు మాయాబజార్ సినిమా చూసే వుంటారు. వివాహ భోజనంబు పాటను అనేకసార్లు వినే వుంటారు. అది సినిమా. డైరెక్టర్ ఏమైనా సృష్టించగలడు. అది సినిమా.. పైగా ఘటోత్కచుడి ప్రియశిష్యులు తమ మాయాజాలంతో ఏ వంటకాన్నయినా సృష్టించగల సమర్ధులు. అలాంటి మాయా సన్నివేశంలోని వంటకాలను దిగదుడుపు చేస్తూ.. వాస్తవ ప్రపంచంలో వండి వడ్డించే వంటకాలను.. ఒక్క కాశినాయన ఆశ్రమంలోనే చూడగలం.. రుచి చూడగలం. అది మాయాబజార్ కాదు. వాస్తవ ప్రపంచం. మనముందు వున్న వాస్తవ ప్రపంచం.
ఓంకారం వెళ్లినప్పుడు.. అక్కడ అన్నం వండేందుకు పేర్చిన డేగిశాలు చూసి మూర్ఛపోయినంత పనయింది. నిత్య అన్నదానం ఒక క్రతువు అక్కడ. పర్వదిన సందర్భంగా అన్నం, పప్పు, పాయసం, రోటి పచ్చడి, రసం, సాంబారు, వడియాలు, పెరుగు, నాలుగు రకాల మైసూర్ పాక్ లు, ఐదు రకాల కజ్జికాయలు, రొట్టెలు.. చెప్పుకుంటూ పోతే చాంతాండంత లిస్టు. ఒక్క ఓంకారంలోనే కాదు... ఇంకా అనేక చోట్ల ఇదే సీను. కాశినాయన సజీవ సమాధి అయిన జ్యోతిలో... ఒక దృశ్యం.. అచ్చెరువు గొలుపుతుంది. పాల క్యాన్ లు కాదు... ఏకంగా పాల వ్యాన్ వచ్చి వున్నదక్కడ. సిద్ధేశ్వరంలో.. ఘటిక సిద్ధేశ్వరంలో.. వేలాది మందికి అడిగినది లేదనకుండా వడ్డనలు. అడిగినవారికి అడిగినంత గడ్డపెరుగు.. మీగడ పెరుగు వడ్డనలు. అదే సిద్ధేశ్వరంలో ఉదయాన్న... ఇడ్లీలు, వడలు, పునుగులు, ఉప్మాలు, పకోడీలు, బజ్జీలు, పూరీలు, వెజ్ ఫ్రైడ్ రైస్ లు, పెరుగన్నాలు... లిస్టు చాలానే వుంది. ఎవరికి కావాల్సింది వారు తినేయవచ్చు.
దేవస్థానాల దగ్గర ఉచిత అన్నదాన శిబిరాలను చాలా చూశాను. కొన్ని చోట్ల తిన్నాను కూడా. కానీ ఎక్కడా ఇలా వుండదు. సాంబారు అన్నం మొహానకొట్టి... ఇదే మహాప్రసాదం అని భక్తులను చీదరించుకుంటూ వడ్డించే మహాన్నదానాలను కూడా చూసి వున్నాను. కానీ ఎక్కడా ఇలా.. ఇంత ప్రేమగా. ఇన్ని ఐటమ్స్ తో కొసరికొసరి వడ్డించే అన్నదానాన్ని నేనింతవరకూ చూడలేదు.
ఇంతటి మహాక్రతువు అవిచ్ఛిన్నంగా, అవిఘ్నంగా ఎలా జరిగిపోతున్నదో నాకైతే ఏమీ పాలుపోలేదు. దీనికి బాధ్యుడిగా వున్న వాడిని అడిగితే... వేలెత్తి పైకి చూపిస్తాడు.
నిజమే... మనిషి తలుచుకుంటే ఏమైనా సాధ్యమే. మనిషి అవధూతగా మారగలడు. అందుకు కాశినాయన నిలువెత్తు సాక్ష్యం.
వారికి సాష్టాంగ ప్రణామములు.
(అన్నట్టు.. కాశినాయన మీద తెలుగులో ఒక సినిమా కూడా వచ్చింది. గుమ్మడి ప్రధాన పాత్రధారి. గుమ్మడి నటించిన చివరి సినిమా కూడా అదే. ఆ సినిమా పెద్దగా ప్రాచుర్యంలోకి రాలేదు. రాయలసీమలోని కొన్ని ప్రాంతాలలో మాత్రమే.. ఆ సినిమా ఆడింది.)






మున్నేల్లి రాజశేఖర్ రెడ్డి 

గురు పౌర్ణమి శుభాకాంక్షలు

 గురు పౌర్ణమి శుభాకాంక్షలు  జై కాశీ నాయన